Monsieur de Gordes, je vous envoie par ce porteur ung pacquet dans lequel y a

deux lettres du roy à ceulx qui commandent les compagnies de messieurs de Savoie

et prince de Piedmont, acompaignées des miennes aux fins, suivant lintention de

sa majesté, de la faire acheminer en mon gouvernement dans le xxe d’apvril prochain.

Je vous prie les faire seurement tenir en Piedmont ou aultre part que peuvent

estre lesdites compagnies et leur donner lieu pour s’assembler et passaige quant

ilz vous en requerront, suivant les ordonnances me faisant, s’il vous plaict,

entendre la responce que vous en aurez au retour de cedit porteur ou par quelque

autre seure voie. N’estant la presente à autre effect, je prieray surce le

Createur,

monsieur de Gordes, vous donner en santé heureuse et longue vie. De

Montpellier, ce XIe de mars 1574

Votre plus affectionné parfaict amy

H. de Montmorancy

Consultation